ರಂಗಮಂಚ

ಗುರುತನೆ ಮರೆಸುವೆ

ಬಣ್ಣವ ಬಳಿದು

ನಾಚಿಕೆ ಆಚೆಗೆ

ದೂಡುವೆ ಎಳೆದು..

ಬುರುಡೆಯು ಕಾವಿನ

ಕೆಂಡದ ಹಟ್ಟಿ

ಕುಣಿಯುವೆ ನೋಡ್ವೆಯ

ರಂಗವ ಕಟ್ಟಿ..

ತಂಗಳಿಗೊಂದು

ರುಚಿಯಿದೆ ನೋಡು

ಉಪ್ಪಿನ ಕಾಯಿಯೆ

ಬದುಕಿನ ಜಾಡು..

ಮನಸಿನ ಹೆಂಡದ

ಅಂಗಡಿ ಗೋಳು

ಅಮಲಿನ ಅಲೆಯಲೆ

ನೆಡೆದಿದೆ ಬಾಳು..

ತಿರುಕನ ಜಗುಲಿಯೆ

ಜಗವಿದು ಒಂದು

ಕನಸಿಗೆ ಯಾರಲು

ಕೊರತೆ ಇರದೆಂದು..

ವೇಷ ಕಳಚಿಯು

ನಿಲ್ಲದ ಆಟವಿದೊಂದು

ನೆಡೆವುದೀ ನಾಟಕ

ಪಾತ್ರ ನನದೊಂದು..

Recent Posts

ಹಿಂಬಾಲಿಸಿ ನೆಡೆದಿದೆ ಮನಸು ಕರೆವ ಆ ಜುಮುಕಿಯ ಹಿಂದೆ.. ಬರಿಯೆ ಅಂದಕೆ ತೊಟ್ಟಿರುವೆಯ ಅದನು ನನಗದೇ ಶಂಕೆ.. ನಿನ್ನೆಲ್ಲಾ ಮುಗುಳುನಗೆಯ ವಿವರಿಸಿ, ವರ್ಣಿಸುವ...

ಅವಳ ಒಲವೇ ಹಾಗೆ… ನಾಜೂಕಾಗಿ ಪೋಣಿಸಿದ ಕಾವ್ಯದ ಹಾಗೆ.. ಹೇಳುವುದೆಲ್ಲವ ಬಚ್ಚಿಟ್ಟ ಮೌನದ ಹಾಗೆ.. ಆತುರದ ಕಂಗಳ ಹುಡುಕಾಟದ ಹಾಗೆ.. ಬೆಚ್ಚಿ ನಡುಗುವ ಬಿಸಿಯುಸಿರ ಹಾಗೆ.....

ಅವಳು, ತಡವಾಗಿ ಬಂದ ಸ್ವಾತಿ ಮಳೆ..! ಎಲ್ಲಿಯೊ ಹೊರಟ್ಟಿದ್ದ ತಂಗಾಳಿ ದಾರಿ ಬದಲಿಸಿದ ಹಾಗೆ, ಅಪರಿಚಿತ ಭೇಟಿಯೊಂದು ಪರಿಚಿತನಾಗಿಸಿತಾ ನಗೆ.. ಭೋರ್ಗರೆಯಲಿಲ್ಲ,...